چند ایک مقاصد کے عملیات جوکہ عرصہ 10 سال سے میرے مجرب ہیں اور میں نے جن کو بھی دم کیا یا بطور تعویذ لکھ کر دیا تو اللہ نے لوگوں کو فائدہ پہنچایا۔ جس کی وجہ سے لوگ مجھے عامل سمجھتے ہیں اور اپنے مختلف کاموں کی غرض سے میرے پاس آتے ہیں

محترم حضرت حکیم صاحب السلام علیکم! ایک طویل عرصہ سے دل میں روحانی علوم سیکھنے کا شوق اور جذبہ تھا لیکن کوئی عامل کامل نہ ملنے کی وجہ سے یہ علم کسی سے باقاعدہ طور پر نہ سیکھ سکا لیکن چونکہ بازار میں عملیات کی کتابیں عام ملتی ہیں۔ میں نے اپنے شوق کو پورا کرنے کیلئے دو چار چھوٹی چھوٹی عملیات کی کتابیں لے کر ان سے قرآنی آیات پر مشتمل عملیات کا تجربہ بطور دم و تعویذ شروع کردیا تو اللہ تعالیٰ نے مجھے اپنے تجربے میں کامیاب فرمادیا۔
محترم حکیم صاحب! میرا نہ تو کوئی روحانی استاد ہے اور نہ ہی میں نے کسی سے کوئی روحانی علم سیکھا ہے۔ بس عملیات کی کتابوں سے دیکھ کر تجربہ کیا ہے۔ چند ایک مقاصد کے عملیات جوکہ عرصہ 10 سال سے میرے مجرب ہیں اور میں نے جن کو بھی دم کیا یا بطور تعویذ لکھ کر دیا تو اللہ نے لوگوں کو فائدہ پہنچایا۔ جس کی وجہ سے لوگ مجھے عامل سمجھتے ہیں اور اپنے مختلف کاموں کی غرض سے میرے پاس آتے ہیں عرصہ 10 سال سے میرا تجربہ ہے اور میں مخلوق خدا کے فائدے کیلئے ادارہ عبقری کی خدمت میں پیش کررہا ہوں۔ امید ہے کہ عمل کرنے والے ان شاء اللہ بہت مفید اور مجرب پائیں گے۔ تفصیل مندرجہ ذیل ہے۔
نمبر(1) سانپ کے زہر کو ختم کرنے کیلئے: سورۃ فاتحہ اور سورۃ کافرون اور سورۃ فلق و سورۃ الناس 7,7 بار پڑھ کر 7 دفعہ دم کریں۔ ان شاء اللہ ہر قسم کی زہر کا اثر ختم ہوگا۔
نمبر(2) بچوں کے رونے اور آسیب کیلئے: سورہ فاتحہ، آیت الکرسی، سورۂ مومنون کی آخری چار آیات‘ سورہ الصفٰت آیت 1 سے 11 تک اور سورۂ جن آیت 1 سے 5 تک اور سورہ فلق و سورۃ الناس 7 پڑھ کر مریض پر دم کریں اور پانی پر دم کرکے مریض کو پلائیں اور منہ پر چھینٹا ماریں اور یہی آیات اور سورتیں بطور تعویذ لکھ کر گلے میں ڈالیں۔ مجرب ہے۔
نمبر(3) نظربد کیلئے: (3,5,7 دفعہ پڑھ کر دم کریں اور بطور تعویذ لکھ کردیں۔
نمبر(4): پھوڑا پھنسی کیلئے: 7 مرتبہ باریک مٹی پر پڑھ کر تھوک دیں اور دن میں 3 سے 4 مرتبہ پھوڑا پھنسی وغیرہ پر چند تک لگائے ان شاء اللہ بہت جلد ٹھیک ہوجائے گا۔
نمبر(5): درد خواہ کہیں بھی ہو: پہلے تین بار بسم اللہ شریف پڑھ کر7 بار پڑھ کر صبح و شام 7 دن تک دم کریں۔ انشاء اللہ فائدہ ہوگا۔ مجرب ہے۔ نمبر(6): دانت یا مسوڑھوں کا درد وغیرہ: سورہ فاتحہ اور صبح و شام 7 مرتبہ تین دن تک دم کریں۔ مجرب ہے۔ قارئین! میںنے اپنے سینے کے راز آپ کے سامنے رکھ دئیے ہیں۔ جو بھی عمل آزمائیں ‘ دفتر ماہنامہ عبقری ضرور لکھیں‘ یقیناً یہ میرا اور آپ کا بھی صدقہجاریہ ہوگا۔

محمد عبداللہ اعوان ‘ مظفرآباد